Sleepless Night
12?x16?
Watercolor on Paper
2006
Isang gabing di makatulog, nakatutok lang ang mga mata sa ceiling at kung anu-anong mga bagay ang pumapasok sa isipan ko. Paminsan-minsan ay tumitingin sa bintana at hinahagilap ng tanaw ang mga bituin at buwan na tumatanglaw sa buong kabayanan. Pabaling-baling sa higaan naghahanap ng pwesto kung paano makatulog (patagilid, patuwad, pataob, pabaluktot), ngunit sa kasamaang palad ay… gising na gising ang diwa.
Homesick ata ako ng panahon na ‘yun ah. Sigurado ako lahat ng mga kababayan natin na nagtatrabaho sa ibang bansa ay nakakaramdam ng kalungkutan sa pagkakahiwalay natin sa ating mga minamahal sa buhay.
Ang abstract painting pala na’to ay aktwal na hitsura ng aming kwarto mula sa kinahihigaan ko. Tinanggal ko lang ang ibang bagay na nakakabit sa wall. Ang nakikita ninyo na parang mga katol ay yung mga samu’t saring gumugulo sa aking isipan. Last July ko pa natapos ‘to, di lang naipost agad, mas nauna pa naipost reflections dahil marami ang nag-request :).
Art month ko ngayon.. kaya enjoy lang kayo sa mga susunod ko pang ipopost 
